Шпанците: Перез изненаден, играчите му испратија поддршка на Алонсо

December 15, 2025
1 min read
фото: Real Madrid C.F.(X)

Реал Мадрид во неделата успеа да го совлада Алавес на гостински терен со 2:1 и така да го задржи чекорот со водечката Барселона во трката за титулата во шпанското првенство. Победата дојде во исклучително тежок момент за тренерот Чаби Алонсо, кој се најде под силен притисок од јавноста, додека неговиот тим беше десеткуван од бројни повреди и суспензии.

Тренерот Алонсо имаше големи проблеми при составувањето на тимот. Поради повреди не можеше да смета на дефанзивците Дани Карвахал, Едер Милитао, Давид Алаба, Трент Александер-Арнолд и Ферлан Менди, како и на Едуардо Камавинга. Суспензии одработуваа Фран Гарсија, Алваро Карерас и Ендрик, додека дури неодамна од повреди се опоравија Федерико Валверде, Антонио Ридигер, Дин Хејсен и Килијан Мбапе.

Според пишувањето на порталот Defensa Central, претседателот на клубот Флорентино Перез бил многу загрижен кога го видел почетниот состав. Наводно бил шокиран што на позицијата лев бек настапува младиот Виктор Валдепењас и бил песимист пред натпреварот, на кој дури и не отпатувал. Во импровизираната одбрана, заедно со Ридигер и Раул Асенсио како стопери, на позицијата десен бек настапи Валверде.

И покрај сè, Реал стигна до клучна победа. По два последователни порази и лошата серија резултати, победничкиот гол го постигна Родриго во 75. минута, со што Реал се доближи до Барселона на четири бода заостанување. По натпреварот, играчите јасно покажаа што мислат за својот тренер. Defensa Central наведува дека Алонсо во соблекувалната бил пречекан со аплауз и порака:

„Со тебе сме, мистер. Оваа победа е твоја.“

Самиот тренер по важната победа остана смирен.

„Фокусирани сме исклучиво на себе, работиме заедно и се подготвуваме за натпреварите што доаѓаат во ритам на секои три дена. Оваа победа има голема тежина затоа што дојдовме со многу отсутни и суспендирани играчи. Има уште многу работа, но денешната изведба мора да ни биде патоказ за продолжението“, изјави Алонсо.

Извор: vecer.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Австралискиот премиер предложи построги закони за оружје по пукањето

Следно

Најнови податоци на Евростат: Храната во Македонија 27% поевтина од просекот во ЕУ

Latest from Blog

„Булмак 2016“ со четиригодишен проект за развој на детскиот спорт во Пробиштип

Спортот има клучна улога во правилниот психофизички развој на секое дете. Преку иницијативата Кошарка за секое дете во Пробиштип веќе се создаваат нови можности за најмладите да спортуваат бесплатно и да градат

Тоневски: Четвртоодделенците од „Никола Карев“ поставуваа прашања за работата на Општина Пробиштип

Ученици од четврто одделение при ООУ „Никола Карев“ ја посетија Општина Пробиштип и одблизу се запознаа со работата на градоначалникот, општинската администрација и надлежностите на локалната самоуправа. Во разговорот со градоначалникот Тони

МЕПСО инвестира во иднината на енергетиката: Се подготвува зајакнување на мрежата во југоисточниот регион

АД МЕПСО продолжува со реализацијата на стратешките активности за модернизација на електроенергетската инфраструктура во Македонија. Денеска генералниот директор на компанијата, доц. д-р Бурим Љатифи, потпиша договор со Никола Битрак, извршен директор на

Проданоски: Обезбедивме 10 телевизори за собите во Домот „Киро Крстески – Платник“

За собите во Домот за стари лица „Киро Крстески – Платник“ во Прилеп се обезбедени 10 нови телевизори во соработка со Тутунскиот комбинат АД Прилеп, соопшти градоначалникот Дејан Проданоски по посетата на

Коњановски: Битола и Турција ќе ја продлабочуваат соработката во економијата, културата и туризмот

Градоначалникот на Битола, Тони Коњановски, денеска се сретна со новиот турски амбасадор во Македонија, Алпер Акташ. Во фокусот на разговорот беа можностите за продлабочување на соработката во економијата, културата и туризмот. Коњановски
Go toTop