МАДРИД (АА) – Премиерот на Шпанија, Педро Санчез се спротивстави на планот на американскиот претседател Доналд Трамп за присилно раселување на Палестинците од Газа, истакнувајќи: „Ниту една операција за недвижности не може да ги прикрие злосторствата против човештвото извршени во Газа“, известува Анадолу.
Говорејќи на настанот во Сан Себастијан што го организираше Социјалистичката работничка партија (ПСОЕ), чиј генерален секретар е, премиерот Санчез рече дека „Шпанија нема да го дозволи“ планот на Трамп за Газа.
Повикувајќи на „почитување на меѓународното право, особено на хуманитарното право, во Газа како и секаде во светот“, Санчез рече дека „Палестинците треба да живеат во Палестина, а Израелците треба да живеат во Израел, во мир, хармонија и безбедност“.
„Ниту една операција за недвижности не може да ја прикрие подлоста, злосторства против човештвото и срамот од извршените во Газа последните години. Не смееме да го дозволиме тоа. Шпанија нема да го дозволи тоа“, рече шпанскиот премиер.
– Можност за мировни преговори меѓу Русија и Украина
Во врска со можниот почеток на мировните преговори за ставање крај на руско-украинската војна, кој се најде во врвот од меѓународната агенда по телефонскиот разговор на Трамп со рускиот претседател Владимир Путин, премиерот Санчез нагласи дека доколку тоа се случи, „разговорите треба да се одвиваат во интерес и под водство на Украина“.
Бранејќи го мултилатерализмот од оние кои сакаат да се отцепат од меѓународното право, Санчез рече дека императив на Европејците е да бидат присутни на маса за сите видови разговори за безбедноста на Стариот континет.
Извор: Anadolu Agency (AA)
