Шокантни сцени во Белград. Една од најголемите ѕвезди на Евролигата, Мајк Џејмс, се здоби со тешка повреда на натпреварот меѓу Црвена ѕвезда и Анадолу Ефес.
Американскиот кошаркар се повреди во третата четвртина, без никаков контакт со противнички играч. По промашувањето на Семи Оџелеј, Џејмс тргна кон топката, но при промената на правецот ненадејно падна на паркетот.
Веднаш се фати за долниот дел од десната нога, во пределот на Ахиловата тетива, а неговата реакција предизвика сериозна загриженост кај сите на теренот.
A nightmare for Anadolu Efes. It looks like Mike James has suffered a serious injury and may have even ended his season.#eurolague #anadoluefes #kkcz pic.twitter.com/cvT60oguGo
— Đorđe Malešević (@DjokiMalesevic) October 1, 2026
Играта беше прекината, а околу Џејмс веднаш се собраа кошаркарите на двата тима и медицинските екипи. Американецот не можеше сам да го напушти теренот, па беше изнесен на носилки.
Џејмс во тие моменти беше во солзи, додека соиграчот Метју Стразел се обидуваше да го утеши. Навивачите на Црвена ѕвезда му дадоа поддршка и го испратија со аплауз при неговото изнесување од теренот.
Првичните информации од Белград упатуваат на сомнеж за сериозна повреда на Ахиловата тетива, но Анадолу Ефес сè уште нема излезено со официјална дијагноза. Дополнителните лекарски прегледи ќе покажат за каква повреда станува збор и колку долго Џејмс ќе мора да паузира.
Извор: sportmanija.mk
