Високиот претставник во Босна и Херцеговина (БиХ), Кристијан Шмит, денеска ги повика сите релевантни фактори целосно да ги искористат достапните домашни правни инструменти со цел да се одржи и заштити уставниот поредок на Босна и Херцеговина.
– Имам непоколеблива доверба во способноста на државните институции на БиХ да дејствуваат, изјави Шмит за сараевскиот портал „Рапорт“, пренесе Бета.
Тој истакна дека усвојувањето на последните четири закони во Народното собрание на Република Српска (РС) „директно го поткопува уставниот поредок на БиХ и ги игнорира обврските на РС од Дејтонскиот договор“.
Одлуката на властите на РС да прогласат закони со кои, меѓу другото, на територијата се забранува работата на Судот и Обвинителството на БиХ, Високиот судски и обвинителски совет (ХЈПЦ) и Агенцијата за истрага и заштита на БиХ (СИПА), ја предизвика најголемата политичка и безбедносна криза во БиХ.
Овие закони беа усвоени од Националното собрание на РС веднаш откако Судот на БиХ донесе првостепена осуда против претседателот на РС Милорад Додик за неисполнување на одлуките на високиот претставник во БиХ, Кристијан Шмит. (МИА)
Извор: kurir.mk
