ИСТАНБУЛ (АА) – Турскиот министер за надворешни работи, Хакан Фидан, денес изрази загриженост поради нападите на Израел врз јужна Сирија и главниот град Дамаск во телефонски разговор со неговиот сириски колега Асад ал-Шаибани, соопштија турски дипломатски извори.
Министерот Фидан во текот на разговорот истакнал дека нападите на Израел врз јужна Сирија и Дамаск се причина за загриженост.
Тој повика веднаш да престанат интервенциите што ја загрозуваат регионалната безбедност и напорите за воспоставување стабилност во Сирија.
Шефот на турската дипломатија ја нагласи и важноста сите релевантни страни да вложат напори за враќање на мирот во Сирија.
Израел денес започна воздушни напади во Сирија, насочени врз Министерството за одбрана на Сирија и областите во близина на претседателската палата во Дамаск.
Израел ја нападна покраината Сувајда во јужна Сирија, предупредувајќи дека ќе продолжат со нападите доколку сириските сили не се повлечат.
Сириската армија распореди војници во подрачјето на покраината Сувајда за да воспостави ред откако дојде до судири меѓу вооружените групи Друзи и Бедуините во кои животот го загубија најмалку 30 лица.
Израелската армија тврди дека операциите имаат за цел да го заштитат малцинството Друзи.
Извор: Anadolu Agency (AA)
