ИСТАНБУЛ (АА) – Шефицата за израелска политика во Мета, Џордана Катлер, се заложи за цензура на инстаграм-профилите поврзани со Студентите за правда во Палестина (SJP), група која одигра клучна улога во протестите во кампусите против тековната израелска војна во Газа, објави денес „The Intercept“, пренесува Анадолу.
Катлер, поранешна висока израелска претставничка, ги искористи каналите на компанијата за да обележи најмалку четири објави на групата и друга содржина критична за надворешната политика на Израел.
Означувајќи ги објавите на групата, Катлер континуирано ја цитираше политиката на Мета за опасни организации и поединци, која ги ограничува корисниците отворено да дискутираат за тајниот список со илјадници ентитети на црната листа.
Политиката за опасни организации ја ограничува „глорификацијата“ на субјектите од црната листа, но има за цел да дозволи „социјален и политички дискурс“ како и „коментирање“.
Останува нејасно дали напорите на Катлер да го искористи внатрешниот систем за цензура на Мета се успешни, бидејќи компанијата одби да го открие исходот од означените објави.
Иако Катлер не донесува конечни одлуки за цензура, за модерирање одговорен е друг тим, експертите за „The Intercept“ изјавија дека се загрижени вработени на високи позиции да ги застапува интересите на владата, и да врши притисок за ограничување на содржината.
Мета директно не одговори на прашањата на „The Intercept“ за постапките на Катлер. Портпаролката на компанијата, Дани Левер, го бранеше процесот на прегледи на платформата: „Кој означува одредена содржина е ирелевантно бидејќи нашите политики регулираат што е и што не е дозволено на платформата“.
Извор: Anadolu Agency (AA)
