Семејствата на загинатите и повредените во трагедијата во Кочани денеска оддржуваат нов протест

Со транспаренти барајќи правда за трагедијата и фотографии на загинатите носејќи ги на гради во првите редови на колоната, започна протестниот марш во Кочани. Маршот на Ангелите организиран по 6ти пат движејќи се низ центарот на градот – од минута на минута добиваше на масовност 

Се приклучија голем број граѓани од Кочани и земјава, а поддршка доби и од Иницијатива „Кој е следен“. Започна и заврши мирно со минутно молчење пред институциите – од каде се бараше одговорност за трагедијата. 

„Системот ги уби институциите молчат“. „Голема неблагодарност за политичарите за денешната поддршка“, „Пожарот ги зеде телата системот ги уби душите“, беа само дел од пораките од денешниот протестен марш. Во Кочани ништо повеќе не е исто. Мртов град со по некоја новост но трагична. Нов некролог и лица во инвалидска количка и помагала како последица од трагедијата, велат граѓаните. 

Протестниот марш заврши, но во чест за загинатите вработени во дискотеката Пулс низ центарот на градот се оддржа и трка на келнери. Повеќе  момчиња и девојчира во црни маички со ликовите на жртвите хуманитарната трка ја оддржаа покрај кејот на реката.