Политичкиот аналитичар Сефер Селими во Отворено рече дека оваа влада има проблем со етничкиот легитимитет.
Според него, постојат неколку проблеми кои го отсликуваат политичкото претставување на албанците во македонската влада.
„Оваа влада има сериозни проблеми со етничкиот легитимитет но јас мислам дека овој момент со Таравари креира нова политичка ситуација во нашата земја. Барем по мое видување и имаме 3 сериозни проблеми. Првиот сериозен проблем е што ние имаме сериозен обид за асимилација на политичкото делување на Албанците како автономни и независни политички партии кои ги претставуваат Албанците. Кога го велам тоа мислам во насока дека зошто еден Албанец би бил политички активен во албански политички субјект поради тоа што нашата реалност е дека политичките партии се креирани врз основа на етнички заедници. Зошто еден Албанец би бил политички активен ако не може да избира кој ќе го претставува и тука го имаме вториот проблем кој е на некој начин атентат врз демократијата кај Албанците. Тежината на претставување ја носи една политичка заедница. Кај СДСМ и ВМРО-ДПМНЕ ја носат македонците. Зошто треба да има некаква политичка програма кај албанските политички партии кога утре некој друг ќе избира кој ќе биде нивни претсавник. Трето што е загрижувачки е што се враќаме пред Охридска Македонија, се враќаме кога Албанците се маргинлизирани и се претставувани во владата но без политичка тежина“, рече Селими.
Тој зборуваше и за тоа дека Ахмети не ја квалификува истрагата за трагедијата во Кочани како селективна туку тоа го кажуваат родителите.
„Мислам дека секој кој се огрешил пред законите и ја злоупотребил довербата на граѓаните треба да одговара и да си ја сноси одговорноста но тоа во случајот со Бектеши и со трагедијата во Кочани не е дека Ахмети го квалификува како селективна туку родителите сами велат дека е селективна правдата. Ние не можеме да затвориме очи пред она што е очигледно а тоа е дека оваа валст сака да спаси се што е свое. Родителите со нивни факти зборуваа. Имаме актуелни функционери кои не се опфатни со истрагата. Имате 4 претходни министри за економија кои се паднало да бидат од ДУИ кои се или во куќен притвор или во притвор и имате актуелен министер за економија ја врши функцијата. Тоа се причините поради кои се креира перцепција дека е политички прогон“, додаде Селими.
Извор: 24vesti.mk
