Итаната седница на советот на обединети нации помина со меѓусебни обвинувања меѓу Иран и Израел. Амбасадорот на Иран го осуди израелскиот напад врз иранското дипломатско претставништво во Дамаск, неговиот израелски колега кажа дека Иран покренал војна против Израел кога лансираше беспилотни летала и проектили, пради што морало да се возврати. Двајцата го повикаа Советот за безбедност да воведе санкции.
– Советот за безбедност да ја прогласи иранската Револуционерна гарда за терористичка организација и да ги „воведе сите можни санкции кон Иран пред да биде предоцна.“ – изјави Гилад Ердан -Амбасадор на Израел во ОН.
– Време е Советот за безбедност да ја преземе својата одговорност и да се справи со вистинската закана за меѓународниот мир и безбедност. – изјави Амир Саид Иравани -Иранскиот амбасадор во ОН.
САД нема да учествуваат во каква било израелска одмазда против Иран, велат официјални лица од Вашингтон. Роберт Вуд пак заменикот американски амбасадор во советот на обединетите нации повика Иран и неговите партнеи веднаш да престанат со нападите.
– Америка ги поддржува правата на Израел да се брани од овие напади, а како што веќе претседателот Бајден кажа ќе останеме во контакт со Ираелските власти. – изјави Роберт Вуд- заменик американски амбасадор во ОН.
Првиот директен удар на Иран врз Израел е легитимен одговор на нападот на израелската армија врз дипломатската мисија на Техеран во Сирија изјави Василиј Небензија, постојан претставник на Русија во Советот за безбедност на ОН. Тој ги обвини западните земји за двојни стандарди.
– Она што се случи ноќта на 14 април не се случи ‘во вакуум’. Чекорите на Иран беа одговор на срамното недејствување на Советот за безбедност на ОН, одговор на бесрамниот напад на Израел врз Дамаск, и не беше прв пат.“ – изјави Василиј Небензија-претставник на Русија во Советот за безбедност на ОН.
Aктите на одмазда кои вклучуваат употреба на сила се забранети според меѓународното право, потсети Генералниот секретар на Обединетите нации, Антонио Гутереш.
– Повелбата на ОН забранува употреба на сила против територијалниот интегритет или политичката независност на која и да држава. го осудувам нападот на Иран врз Израел. – изјави Антонио Гутереш- Генералниот секретар на Обединетите нации.
Државите од Г7 изразија солидарност со Израел и ги осудија постапките на Иран. Тел Авив засега не открива каков одговор ќе има кон Иран по масовниот напад.Иран лансираше низа беспилотни летала и проектили кон Израел, како одмазда за израелскиот напад врз иранскиот конзулат во Дамаск, во кој загинаа седум офицери на Револуционерната гарда. Тоа беше првиот директен напад на Иран врз Израел од негова територија во историјата.
Извор: 24vesti.mk
