Украинската контраразузнавачка служба (ССУ) објави дека уапсила маж осомничен дека им помагал на руските сили да извршат ракетен напад во кој загинаа цивили во пицерија во градот Краматорск
Бројот на жртвите во ракетниот напад на комерцијална област во центарот на Краматорск во источна Украина се искачи на единаесет, објави на Фејсбук градоначалникот Олександар Хончаренко. Тој во видеото што го објави на својот фејсбук-профил вели дека спасувачите успеале да ја поделат на делови бетонската плоча од урнатиот објект која постепено се отстранува и се пребарува под урнатините дали има има и други лица. Властите соопштија дека меѓу загинатите има и четири деца, а биле оштетени неколку куќи, продавници, автомобили, неколку згради, вклучително и поштата.
Украинската контраразузнавачка служба (ССУ) објави дека уапсила маж осомничен дека им помагал на руските сили да извршат ракетен напад во кој загинаа цивили во пицерија во градот Краматорск.
Од ССУ наведуваат дека уапсениот живеел во околината.
„Според првите резултати од истрагата, непријателскиот агент е жител на Краматорск, вработен во локална компанија за транспорт на гас“,
се вели во соопштението на веб-страницата на украинската контраразузнавачка служба.
Човекот, објави ССУ, снимал згради и автомобили во близина на пицеријата и ја испратил снимката до руското воено разузнавање, се вели во соопштението.
„Во моментов се преземаат мерки за утврдување на сите околности на кривичното дело и изведба на инволвираниот и другите инволвирани лица пред лицето на правдата“,
додаваат од ССУ.
Руските власти објавија дека во Украина се гаѓале само воени цели, по обвинувањата дека во руски напад уништен е ресторан во Краматорск на истокот од земјата, при што десетици луѓе загинале или се ранети.
„Русија не е насочена кон цивилна инфраструктура, таа ги погодува инсталациите поврзани на еден или друг начин со воената инфраструктура“,
изјави портпаролот на руското претседателство Дмитриј Песков.
Краматорск е голем град во регионот Донецк и една од клучните цели во руското напредување кон западна Украина.
Извор: 360stepeni.mk
