ИСТАНБУЛ (АА)
Шест повредени лица се извлечени од под урнатините на 3-катната зграда што се урна во местото Кучукчекмеџе, во западниот дел на областа Истанбул, известува Анадолу.
Од засега непознати причини се урна 3-катна станбена зграда во подрачјето Кучукчекмеџе, во Истанбул.
По применото известување на местото на настанот се испратени голем број противпожарни единици, екипи на здравството, полицијата и АФАД.
Спасувачките екипи веднаш започнале со акцијата за пребарување и спасување откако биле информирани дека има луѓе затрупани под урнатините и притоа комуницирале со едно лице под урнатините.
– Едно лице загина, едно лице самостојно се извлекло од урнатините
При уривањето, зграда паднала врз паркирани возила, а причинета е штета и кај автобус за јавен превоз кој минувал покрај зградата кога се урнала.
Спасувачките тимови од под урнатините го извлекле телото на еден загинат, а друго лице успеало самостојно да се извлече од под урнатините и на екипите им дало информации за затрупаните во зградата.
Досега од под урнатините се извлечени вкупно 7 лица. Во тек се напорите на спасувачките екипите за извлекување на преостанатите затрупани. Повредените се препратени во болница, а на 2 лица лекарска помош им била укажана на самото место.
На местото на настанот пристигнал и гувернерот на Истанбул, Давут Ѓул, кој извршил увид на состојбата и бил информиран од екипите на теренот.
– Соопштение од гувернерството
Во соопштението на гувернерството на Истанбул се наведува дека околу 08.40 часот се урнала трикатната зграда лоцирана во подрачјето на Кучукчекмеџе, Истанбул, а голем број екипи на АФАД, спасувачи и и медицински тимови се наоѓаат на местото на несреќата.
Извор: Anadolu Agency (AA)
