БЕЛГРАД (АА) – Во Батајница, Србија, се урна авион со кој управувал сопственикот на леталото, а неговото тело е пронајдено во поле со пченка, пренесува Анадолу.
Како што наведуваат српските медиуми, авионот полетал од аеродромот „13 Мај“, но потоа паднал во поле и се запалил.
Се додава дека пилотот полетал затоа што сакал да провери нешто на авионот, но набрзо јавил дека не му работат командите.
Уривањето на малиот авион во близина на клучката кај Батајница е пријавено во полиција околу пладне.
По падот на авионот, од полето со пченка се проширил чад, а полицијата се упатила кон локацијата да изврши увид, јавуваат локалните медиуми.
