Портокалов метеоаларм е издаден за пет региони во Хрватска во околината на Загреб, Осијек, Карловац, Риека и Госпиќ. Според прогнозите на ДХМЗ, локалните врнежи пропратени со грмежи се најавени околу пладне, а особено во вториот дел од денот и во вечерните часови е можна појава на грмежи со засилен ветер и град.
Во земјата се санираат штетите од невремето кое најмногу ги погоди Загреб и Славонија, а олуја ја опустоши и Истра. За само 15 минути била предизвикана огромна штета од Умаг до Пула, а посебно настрадал и Новиград каде е исчезнато едно лице, пренесува ХРТ.
Медиумите пренесуваат дека од вчера со бродови се трага по исчезнатиот кој неофицијално бил турист и за време на олујата паднал од едрилица во морето.
И Словенечката агенција за животна средина (Арсо) денеска издаде портокалово предупредување за невреме во цела Словенија, во периодот од 14 до 23 часот. Според Арсо, можна е силна бура, со град и налети на ветер и грмотевици.
Предупредување за невреме, односно црвен метеоаларм е издаден и во делови на Србија каде се регистрирани и три жртви по вчерашните поројни дождови и грмотевици.
Извор: 360stepeni.mk
