Се предаде терорист на ПКК кој на организацијата ѝ се приклучил во Франција

АНКАРА (АА) – Четворица припадници на терористичката организација ПКК побегнаа од камповите на северот на Ирак и им се предадоа на Турските безбедносни сили, меѓу кои и еден што ѝ се приклучил на организацијата во Франција, јавува Анадолу.

Според информациите добиени од извори на Министерството за национална одбрана, четворица терористи на ПКК што побегнале од засолниште во Северен Ирак се предале на 22 јуни на граничните точки во Хабур и Силопи.

Утврдено е дека еден од терористите ѝ се придружил на терористичката организација минатата година додека престојувал во Франција од каде што бил пратен во терористичките кампови во Северен Ирак.

Терористот со кодно име Мунзур Б. во својот прв исказ рекол дека поминал извесно време во камп во Грција пред да биде пратен во Северен Ирак и дека таму ги добил првите информации за организацијата.

Утврдено е и дека еден од припадниците на ПКК, кој минатата недела беше неутрализиран во северниот дел на Ирак, е германски државјанин, а друг ѝ се приклучил на терористичката организација од Франција.

Во над 35-годишната терористичка кампања против Туркије, ПКК, која се наоѓа на листата на терористички организации на Туркије, Соединетите Американски Држави и Европската Унија, е одговорна за смртта на над 40.000 луѓе, меѓу кои жени, деца и стари лица. ЈПГ е сириски огранок на таа терористичка организација.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).