Генералниот секретар на НАТО, Марк Руте, денес во Берлин изјави дека членките на Алијансата се следната цел на Русија.
Тој на прес-конференцијата рече дека НАТО мора да вложи максимални напори за да спречи војна што би можела да биде „од размерите на војната што ја преживеале нашите дедовци и прадедовци“, пренесува Скај њуз.
Според него, премногу сојузници на НАТО не ја чувствуваат итноста на руската закана за Европа и потребата брзо да ги зголемат трошоците и производството за одбрана за да се спречи таква војна.
„Ние сме следната цел на Русија. Се плашам дека премногу од нив се тивко самозадоволни. Премногу луѓе веруваат дека времето е на наша страна. Не е. Времето за акција е сега“, рече тој.
Марк Руте изјави дека Соединетите Американски Држави ќе останат посветени на колективната безбедност на своите сојузници во рамките на алијансата, и покрај новата Стратегија за национална безбедност (НСБ).
Извор: tv21
