МОСКВА (АА) – Русија денес објави дека осум ракети АТАКМС од американско производство истрелани од Вооружените сили на Украина биле соборени над Азовското Море во текот на ноќта, јавува Анадолу.
Во меѓувреме, Киев нападна и руски објекти на други места, соопшти руското Министерство за одбрана, додавајќи дека осум украински воздушни беспилотни летала и два подводни дронови биле уништени на подрачјето на Црното Море.
Министерството соопшти дека Вооружените сили на Украина, исто така, извршиле напад со беспилотни летала врз цивилни објекти во јужниот руски регион Краснодар, каде што биле соборени или блокирани пет беспилотни летала.
Едно од беспилотните летала паднало врз помала енергетска единица, со што е прекинато снабдувањето со електрична енергија во блиското населено место, се вели во соопштението.
Исто така, од остатоците на украинските ракети во градот Керч се оштетени автомобил и железнички траекти, соопштија локалните власти.
Украина сѐ уште не се има огласено по повод тврдењата на Русија.
Извор: Anadolu Agency (AA)
