Рокас: Тука сме со поддршка како ваши партнери од првиот миг, да се поддржуваме меѓусебе во вакви тешки мигови

March 17, 2025
1 min read

Евроамбасадорот Михалис Рокас денеска изјави дека ЕУ како партнер на Северна Македонија е тука со поддршка и помош од првиот миг на трагедијата што се случи во Кочани, во која животот го изгубија 59 лица, а 155 се повредени.

-Сакам да го изразам моето сочувство до сите луѓе на оваа прекрасна нација што тагува во овој момент. Ние ја извршуваме нашата должност за помош како ваши партнери и тука сме од првиот миг. Го активиравме Механизмот за цивилна заштита на ЕУ и задоволен сум што гледам дека многу земји-членки веднаш понудија помош и ќе продолжиме да го правиме тоа, рече Рокас, откако се потпиша во Книгата на жалост што беше денеска отворена во Министерството за надворешни работи и надворешна трговија.

Евроамбасадорот додаде дека тука се работи за солидарност и треба да се поддржуваме меѓусебе во вакви тешки мигови.

Шведската амбасадорка во земјава Ами Ларсон Џаин истакна дека е важно да се биде тука денеска и да се покаже поддршка за Северна Македонија во овие претешки времиња.

Амбасадорката на Шведска исто така се потпиша во книгата на жалост во македонското МНР.

-Нашите срца се скршени за многуте млади животи коишто беа изгубени, како и за повредените. Северна Македонија упати барање за помош преку Механизмот за цивилна заштита на ЕУ и тој беше активиран вчера и веќе работиме во ЕУ да пронајдеме начини за поддршка. Шведските власти веќе се дел од оваа помош и изнаоѓаме начини за да го пружиме најдобриот начин на поддршка во овие времиња. Ова е израз да се покаже пријателството меѓу Северна Македонија и Шведска, како и другите европски земји, рече Ларсон Џаин.

Министерот за надворешни работи и надворешна трговија Тимчо Муцунски денеска соопшти дека 51 лице од повредените во пожарот во Кочани се испратени на лекување во странство, преку кризниот штаб кој во изминатите 24 часа го кординираше процесот. Дополнително уште дваесетина ќе бидат транспортирани во болници во Австрија, Словенија, Хрватска, Норвешка и во Унгарија

ИЗВОР: racin.mk

MARKETING

MARKETING

Претходно

Младите од Битола со свеќи и цвеќе: „Последна почит за ангелите од Кочани”

Следно

ФОТО Граѓаните фрлаа камења и го превртија возилото на сопственикот на „Пулс“

Latest from Blog

Повредата на Никола Јокиќ е посериозна?

Најдобриот кошаркар во НБА лигата Никола Јокиќ има проблеми со повреда и неизвесно е дали ќе игра на натпреварот против Голден Стејт, објави неговиот тим Денвер. Нагетс го означија Јокиќ како „неизвесен“.

Премиерот Мицкоски ќе ги посети повредените во ГОБ „8 Септември“ Скопје

Утре 18.03.2025 година (вторник) претседателот на Владата на Република, Христијан Мицкоски ќе ги посети повредените од трагичниот пожар во Општина Кочани во ГОБ „8 Септември“ Скопје. Во 11:00 часот изјава за медиуми

Тошковски: Нема да има милост за никого!

Министерот за внатрешни работи, Панче Тошковски вечерва изјави дека „осомничени досега се повеќе од 20-тина луѓе, согласно последните информации кои ги добив за најголем дел од нив веќе се извршени разговори со

ЗНМ до политичарите: Покажете емпатија, бидете транспарентни, почитувајте ги новинарите и избегнувајте политизирање трагедии

Здружението на новинарите на Македонија (ЗНМ) издаде важни упатства за политичарите како да комуницираат со медиумите и новинарите во време на трагични настани. Препораките имаат цел да промовираат одговорна и чувствителна комуникација

Уште 12 повредени од Македонија префрлени на лекување во Србија, тројца во Грција и двајца во Австрија

Уште 12 повредени во пожарот во Кочани вечерва со авион се префрлени на лекување во Белград. Четворица од нив ќе бидат хоспитализирани во Воено медицинската академија, а осум во Универзитетскиот клинички центар,
Go toTop