ИСТАНБУЛ (АА) – Претседателката на Европската комисија, Урсула фон дер Лајен, денес се спротивстави на „реципрочните“ американски царини кон Европската Унија (ЕУ), велејќи дека „трговските војни и казнените царини немаат смисла“, јавува Анадолу.
„Посилна Европа работи со Соединетите Американски Држави за да ги одврати заедничките закани што ги имаме како партнери, и затоа веруваме дека трговските војни и казнените царини немаат смисла“, рече Фон дер Лејен на третата Минхенска безбедноста конференција.
Фон дер Лајен ги нагласи штетните ефекти на царините, за кои рече дека „дејствуваат како данок“ и водат до инфлација.
„Најтешко погодени се неизбежно работниците, компаниите и средната класа со мали приходи од двете страни на Атлантикот“, објасни таа.
Посочи дека царините може да ги нарушат суштинските трансатлантски синџири на снабдување, што ќе им наштети на двете економии.
„Не веруваме дека ова е добар бизнис и сакаме да избегнеме глобална трка до дното“, рече Фон дер Лајен.
Но, таа јасно стави до знаење дека „неоправданите царини за Европската Унија нема да останат без одговор“.
Фон дер Лајен ја истакна и стратешката важност на стабилна Европа за безбедноста и на ЕУ и на САД.
„Неуспешна Украина ќе ја ослабне Европа, но ќе ги ослаби и Соединетите Американски Држави“, рече таа, додавајќи дека тоа „ќе ги интензивира предизвиците во Индо-пацификот и ќе ги загрози нашите заеднички интереси“.
„Авторитарците во светот внимателно набљудуваат дали има неказнивост доколку го нападнете вашиот сосед и ги прекршите меѓународните граници или дали постојат вистински одвраќачи“, предупреди Фон дер Лајен.
Таа најави и дека ќе предложи активирање на „клаузула за избегнување“ за одбранбените инвестиции.
Ова ќе им овозможи на земјите членки на ЕУ „суштински да ги зголемат издвојувањата за одбрана“ во светло на растечките безбедносни грижи, додаде таа.
Извор: Anadolu Agency (AA)
