Младите од Балканот се соочуваат со слични проблеми и предизвици и затоа потребна ни е заедничка платформа преку која тие ќе споделуваат искуства и идеи за подобри општества и ќе бидат двигатели на демократските промени, велат говорниците на регионалната конференција „Младите се сила на Балканот„ поддржана од Фондот за Западен Балкан.
На пет работилници во рамките на конференцијата младите дебатираа за нужните прилагодувања на образованието кон потребите на технолошкиот напредок како и младински вработувања за развиток на регионалната економија. Тие се осврнаа и на здравствениот систем за кој велат дека не одговара на нивните сегашни потреби.
Во фокусот на работилниците беа културата како и борбата со климатските промени – од конференцијата велат дека сите овие области биле означени од младите како нивни приоритети за поразвиено општество во кое тие би сакале да останат да живеат.
Извор: 24vesti.mk
