Путин претходно посочи Русија го распоредила своето прво тактичко нуклеарно оружје во Белорусија, а белорускиот претседател Лукашенко посочи дека станува збор за оружје од кое дел било три пати помоќно од атомските бомби фрлени од САД на Хирошима и Нагасаки во 1945 година
Американскиот претседател Џо Бајден смета дека заканата од рускиот претседател Владимир Путин дека може да користи тактичко нуклеарно оружје е реална.
„Кога бев тука пред околу две години и реков дека сум загрижен поради пресушувањето на реката Колорадо, сите ме гледаа како да сум луд. Тие ме погледнаа како кога реков дека сум загрижен поради тоа што Путин користи тактичко нуклеарно оружје. Тоа е реално“,
рече Бајден пред група донатори во Калифорнија.
Ваквата оценка доаѓа откако во саботата, изјавата на Путин дека Русија го распоредила своето прво тактичко нуклеарно оружје во Белорусија, Бајден ја нарече „апсолутно неодговорна“.
Покрај Путин, за ова зборуваше и белорускиот претседател Александар Лукашенко кој минатата недела рече дека неговата земја почнала да презема руско тактичко нуклеарно оружје, од кое дел, според него, било три пати помоќно од атомските бомби фрлени од САД на Хирошима и Нагасаки во 1945 година.
Извор: 360stepeni.mk
