„Македонското небо“ доби нови директори во раководството на М-НАВ по инцидентот во Контролата на летање. Одлуката е владина, разрешени се Фахрудин Хамиди а го разрешија и директорот Љубе Стаменковски кој претходно си поднесе оставка, додека Хасим Деари останува на позицијата директор во М-НАВ.
На местото на Хамиди и Стаменковски доаѓаат Илир Мемеди и Милан Кораќ. До ваквите промени дојде откако незадоволството коешто веќе подолго време трае во Македонска навигација, ескалираше по упадот во оваа институција а во истиот меѓу осумте лица беше и Беким Неизири кој е прв човек на чарскиот огранок на ДУИ.
Упадот во М-НАВ следеше откако синдикатот на прес-конференција алармираше дека се под засилен притисок од менаџментот на М-НАВ поради негодувањата на синдикалците за последниот оглас за вработување и за евентуален штрајк изатворање на воздушниот сообраќај по што синдикалците с еповлекоа од таквата идеа.
Првиот синдикалец Александар Тасевски кој претходно се закани дека ако не биде разрешено раководството на М-НАВ ќе влезат во штрајк денеска остана недостапен по владината одлука.
За упадот во М Нав се осомничлени 8 лица, за четворица МВР распиша централна потерница. Дополнително Кривичен суд од утре ќе одлучува по жалбата на обвинителството за притвор за осомничените во врска со упадот во М-НАВ. Претходно судот кажа дека обвинителството не ги доставило сите докази, додека одбраната на осомничените е на линија со судот и сметаат дека осомничените не може да одговаарт за кривичното дело за кое се осомничени.
Дел од експертите по кривично право со кои поразговаравме велат дека ваквото дело за кое се сомничат осомничените тешко дека ќе се докаже, но посочуват дека осомничените може да одговараат за друго кривично дело.
Извор: 24vesti.mk
