Десет нови случаи на голема кашлица за 48 часа во Скопје регистрира Центарот за јавно здравје. Најголем број се нецелосно вакцинирани, само еден е целосно вакциниран. Расте и бројот на новозаразени со голема кашлица кај повозрасната полуплација.
Два нови случаи на пертусис регистрира и Центарот за јавно здравје Куманово, четириесетгодишен жител на Крива Паланка и петгодишно дете од Куманово.
Според доктор Едита Рамизи, четириесетгодишниот маж е целосно вакциниран со сите примени дози на вакцината, додека петгодишното дете е лабораториски потврдено, не е вакцинирано, не посетува градинка и е на домашно лекување со терапија.
Заклучно со 16 февруари во Куманово се пријавени четири случаи на пертусис. Сите деца се на возраст до 5 години, сите се невакцинирани и не посетуваат градинка. Две деца од нив биле на болничко лекување.
Извор: 24vesti.mk
