Универзитетскиот професор и архитект Мишко Ралев во Аргумент плус рече дека, денешната состојба на Скопје отскокнува од општата дефиниција за градот. Според него, градот треба да е културен, административен, образовен и индустриски центар кој бара добра организација, но во моментов таа отсуствува. Тој рече и дека досега не добил понуда од никој за градоначалничка трка на локалните избори.
„После земјотресот Скопје требаше да биде светски пример како град кој некаква катастрофа во тој момент може со паметна, научна и експертска мисла и планирање да се врати и да стане поголем, покомплексен и помодредерн да стане пример, а денеска нас не ни треба природна катастрофа нашата човечка катастрофа го уназади. Ние на хартија имаме функции но се слабо поврзани и слабо фукционираат. Животот стана се потежок“, изјави Ралев.
Тој зборуваше и за тоа дека градоначалникот на град Скопје треба да биде миротворец и да има соработка и поддршка и од советниците и од власта.
„Ако зборуваме за избран независен кандидат. Каква е таа независнот. Нема кохабитација. Што значи независен , дали е лична суета. Треба кохабитација со Советот. Прво треба градоначалникот да биде миротворец и да биде личност што може да ги надмине антагонизмите меѓу групите. Мора да сфатиме дека автобусот, паркот, тротоарите и воздухоте се за сите нас без ралика од која партија сме “, рече Ралев и додаде дека можеби треба да се размисли за зголемување на мандатот на градоначалникот.
Ралев објасни и дека досега нема добиено никаква понуда за градоначалничката трга на локалните избори кој треба да се одржат годинава.
„Тоа е интересен предизвик и сега во овој момент не би можел да кажам, до сега немам никакви понуди. Искрено пред вас и пред публиката немам досега никаква понуда и од независните и од зависните но тоа е предизвик и човек не треба така лесно да поминува преку предизвиците“, додаде Ралев.
Извор: 24vesti.mk
