Главниот командант на украинската армија, Олександр Сирски, во интервју за украинската телевизија „ТСН“ изјави дека рускиот претседател Владимир Путин му наложил на рускиот Генералштаб да ги пресмета различните опции за спроведување на офанзивна операција, вклучително и од белоруска територија, со цел заземање на Киев и на други области.
„Рускиот лидер Владимир Путин му наложи на рускиот Генералштаб да ги пресмета различните опции за спроведување офанзивна операција, вклучително и од белоруска територија, со цел заземање на Киев и на други области. А рускиот Генералштаб пресмета неколку начини на дејствување. Со оглед на неодамнешните настани, не мислам соодветно дека раководството на Белорусија би се осмелило да ја искористи сопствената територија и да му ја предаде на агресорот како мостобран“, изјави Сирски.
Тој додаде сепак дека Украина сè уште го разгледува ваквото сценарион, но смета дека најверојатен е можен напад од север, од руската Брјанска област кон Черниговската област.
„Мораме да ги земеме предвид сите, дури и најлошите опции за развојот на настаните. Најверојатното сценарио, потврдено со повеќе докази, е можна офанзивна акција на север од територијата на Брјанската област во Руската Федерација. Ова е реално сценарио и секако дека се подготвуваме за него“, нагласи Сирски.
Извор: vecer.mk
