Прво реформи, па пари од ЕУ! Со план за раст на Западен Балкан, достапни ќе бидат 6 милијарди евра!

Европската унија ќе ги наградува земјите од Западен Балкан кои спроведуваат реформи. Тоа ќе го прави преку Планот за раст на Западен Балкан. Во следните 4 години, земјите од Западен Балкан кои ќе направат план за реформи, ќе го достават до ЕК, а потоа ќе го реализираат, ќе добиваат пари за тоа, или со една реченица можеме да кажеме прво реформи, а потоа пари. Што е целта?

Целта е економиите на земјите од Западен Балкан да се приближат до економијата на ЕУ. Според нивните истражувања, БДП или економскиот раст на земјите од ЗБ е околу 30 проценти од просекот на ЕУ. Поради тоа ЕУ сака да ги придвижи економиите за земјите аспиранти до нивната еконимија. За тоа е обезбеден План за раст на Западен Балкан. Што треба да направат земјите од ЗБ да ги добијат парите. Тие треба да подготват план за реформи, да го достават до ЕУ, а потоа да го реализираат. Доколку не го реализираат тој план, нема да добијат пари. Во зависност од тоа колку е реализирано од тој план, толкку пари ќе добијат. Доколку воопшто не бидат реслизирани тие реформи, парите нема туку така да исчезнат, туку ќе се префрлат во Инвестициски фонд, а потоа од таму инвеститорите можат преку проекти да ги повлекуваат.

Овој план за раст на ЗБ предвидува четиригодишна финансиска инјекција за земјите од ЗБ, вклучително и Северна Македонија, а ќе се прави евалуација на секои шест месеци. Првиот реформски план Македонија би требало да го достави оваа пролет, а потоа првата исплата, односно да ги реализира реформите, би требало да ги заврши до летото.

Целта на ЕК е да ја крене економијата на земјите од ЗБ, која што е на ниско ниво во однос на ЕУ и нивниот план може да се каже дека е преоптимистички, но како што велат не е неостварлив. Односно со овој План за раст на земјите од ЗБ, планираат да ја кренат економијата на земјите од ЗБ до 10 проценти на годишно ниво. Ова не значи дека средствата преку ИПА програмата ќе запрат, тоа останува, земјите од ЗБ и натаму можат да палицираат преку ИПА програмата.

Вкупниот фонд за Планот за раст на земјите од ЗБ е 6 милијарди евра, 2 милијарди се грантови, неповратни средства, а останатите 4 милијарди ќе бидат преку позајмици. Вреди да се напомене, барем според она што го дознавме на брифингот со претставници на ЕК, е дека наскоро тим од ЕК ќе допатува во Скопје и ќе има состанок со финансиските власти.

Вреди да се напомене и тоа дека иако овој План ќе се одвива паралелно со скрининг процесот и евентуалниот старт на преговорите, сепак не е директно поврзан со уставните промени. Односно, парите Македонија ќе ги добива, само доколку ги реализира ветените реформи, без разлика кога и дали ќе ги усвои уставните измени.

За ТВ21 од Брисел, Един Растодер