Десетици илјадни жители на турција излегоа на улиците на Истанбул, Анкара и Измир трета ноќ по ред, барајќи ослободување на градоначалникот на Истанбул, Екрем Имамоглу, уапсен под обвинение за корупција и поврзаност со терористички организации.
И покрај официјалната забрана за јавни собири, протестите добија масовна поддршка од политичките партии, синдикатите и граѓанските организации ширум земјата. Апсењето на Имамоглу доведе до најголеми протести во Турција од 2013 година, кога земјата беше потресена од масовни антивладини демонстрации во кои загинаа неколку лица.
„Со години растевме во страв, поради случувањата во паркот Гези. Тогаш имав 13 години , сега 25. Јас сум дете од Гези Паркот. Се разбира дека ќе дадеме отпор на ова и дека ќе победиме.“
„Имав 10 години кога со моето семејство бевме на протестот во паркот Гези. И денеска сме тука. Заедно со младите, ние секогаш ќе си ги бараме правата и ќе си ги заштитуваме.“
„Денеска сме тука за да ги заштитиме вредностите за кои не научија луѓето кои беа дел од протестите во паркот Гези во 2013 година.“
За опозициската Народна републиканска партија, случајот е политички мотивиран…И покрај забраната, повика на мирни протести. За многумина, Имамоглу е главен фаворит да го замени Реџеп Таип Ердоган, кој 22 години владее со Турција.
„Откога Ердоган ја основа својата партија, нас не победува. Ние победивме на 31-ви Март. Има победници и губитници. Непобедлив е единствено Екрем Имамоглу.“ – Озгур Озел претседател на Републиканската народна партија.
Во Истанбул, полицијата употреби солзавец и гумени куршуми за да ги разбие протестите и да ги потисне стотиците демонстранти кои се обидоа да ги пробијат барикадите. Од турското МВР велат дека приведувањата се направени за да се спречат нарушувања на јавниот ред и предупредиja дека нема да толерираат хаос и провокации. До денеска напладне, бројот на уапсени се искачи на 343 лица.
Според турското обвинителство, 53-годишниот градоначалник на Истанбул Екрем Имамоглу, е обвинет за корупција и изнуда.Тој се сомничи и дека водач на криминална организација како и за поврзаност со терористички организации. Покрај Имамоглу, уапсени беа повеќе од 100 лица, меѓу кои бизнисмени и новинари.
Извор: 24vesti.mk
