„Стоп за сообраќајното насилство“ – ова беше една од пораките испратена од протесниот марш во Неготино во чест на младата Фросина Кулакова која го загуби животот преминувајќи на прешачки премин на Партизанска во Скопје.
Револтираните граѓани од протесниот марш во Неготино во чест на Фросина Кулакова порачаа темелни промени во правосудството, но и безбедни и сигурни улици за сите учесници во сообраќајот. Сестрата на Фросина, Росица Кулакова посочи дека коренот на сите проблеми доаѓа од судскиот систем.
„Правда за Фросина“, побараа другарките на Фросина. Потенцираа дека секој чекор на протесниот марш исто така е и поддршка на семејствата што изгубиле дел од својата душа и што мора да продолжат да чекорат со товарот на загубата. Велат дека од моментот кога една човечка судбина добила име, општеството станува должник на семејството. Меѓу граѓаните и семејствата на жртвите кои на сличен начин го загубиле животот побараа ревизија на случаите.
22 годишната Фросина Кулакова се здоби со смртни последници преминувајќи на прешачки премин на Партизанска, од 20 годишниот Васил Јованов кој возел со брзина над дозволената, не поседувал возачка дозвола, бил пијан и поминал на црвено. На Јованов му е одредена мерка пртивор од 30 дена.
Вчера, за првпат пред медиумите изегоа родителите на Јованов и неговиот бранител ставајќи акцент на тоа дека во моментов владее гнев кон одредено лице со цел да завладее уличната правда, а не онаа во судницата и правдата на едно демократско општество..
За кривичното дело на Васил Јованов, за поседување и трговија со наркотици, судијката Даниела Алексовска-Стојановска која пресудила воспитно поправна мерка-упатување во поправен дом, пред неколку дена судиите од Кривичен суд Скопје ја поддржаа судијката. Според судиите при одлучувањето таа се водела согласно Законските одредби, слободното судиско убедување, воспоставената судска пракса како и наводите на Јавниот обвинител.
На 3.4.2015 Фросина Цековска, студентка се здоби со смртни последици на пешачкиот премин кај Универзална сала, а возачот не застана по кобниот настан и биле регистрирани 1,2 промили алкохол. Тој доби шест ипол години казна затвор, која подоцна беше намалена на три години. Во јануари 2022 година, младата Викторија Николова го загуби животот на пешачки премен кај „Сти мол“ во Скопје, а возачот доби казна затвор од четири години.
Денеска, стотина студенти, се собраа и во Словенија и оддадоа почит на Фросина Кулакова.
Извор: 24vesti.mk
