Протест на граѓанските здруженија против извршителите

Дел од граѓаните денеска излегоа на мирен протест пред Министерството за правда. Тврдат дека не се применуваат измените во Законот за облигациски односи од страна на извршителите кои се однесуваат на застарување на долгови и покрај тоа што беа изгласани во Собрание, и се објавени во Службен весник пред повеќе од седум месеци.

Од Министерството за правда, пак, велат дека немаат законски надлежности да дава автентично толкување на законските норми што е во надлежност на Собранието.