Шест деца, меѓу кои и едно двомесечно бебе, беа пронајдени заклучени во магацин во Милвоки, најнаселениот град во американската држава Висконсин.
Полицијата реагирала откако добила пријави за деца заклучени во магацин. На местото на настанот биле пронајдени шест деца на возраст од два месеци до девет години, соопштија локалните власти, според ABC News.
Првично полицијата мислела дека станува збор за две деца, но по пристигнувањето увиделе дека заклучени се шест деца.
Во врска со случајот, полицијата привела 26-годишна жена и 33-годишен маж, а обвиненијата против нив сè уште се во тек.
Локалните власти наведуваат дека децата се во добра физичка состојба и немаат повреди.
Извор: tv21
