реклама
Градоначалникот на Тетово чека катастарот на Тетово да ги запише новите улици, мостови и населби за потоа да почне да ги преименува. Иако ваква иницијатива беше промовирана во времето кога се одржуваа изборите за општински совети во Тетово, засега нема ништо конкретно.
-Во Тетово имаме поширок проект за именување на сите улици на Тетово. Уште еднаш повторувам, за жал овде чекаме студија која треба да ја направи Македонскиот катастар, која се уште ја немаме. И натаму, во Тетово има многу улици, кои не се регистрирани и за да се именуваат, тоа е обврска на Општината. Тие мора да бидат запишани и оваа регистрација ја врши Катастарот-рече Касами.
Касами вели дека доколку катастарот не направи такво нешто, се останува за следната година.
-Доколку не го направат ова, ќе треба следната година да обезбедиме средства во буџетот, бидејќи тоа е проект кој ќе чини, а со тоа ќе ги регистрираме улиците, па со одлука, почитувајќи ги сите процедури, да ги именуваме улиците. Ова ќе биде јавно, транспарентно и ќе се консултираат сите слоеви на општеството, сите поединци кои ќе бидат заинтересирани, за да имаме адекватно име со денешната реалност“, изјави Касами.
Од Здружението на академици Албанци, кои заедно со општина Тетово пред локалните избори го промовираа проектот за промена на имињата, велат дека проектот го доставиле до општината во септември 2022 година, но се уште не е преземена иницијатива.
Во Тетово сè уште има многу имиња на улици и училишта кои воопшто не се совпаѓаат со етничката реалност, каде што иако најголем дел од жителите се Албанци, тие се уште носат имиња кои биле поставени за време на комунистичкиот систем.
реклама
реклама
