Српската полиција продолжува со потрагата по телото на двегодишната Данка Илиќ. Началникот на управата за криминалистичка полиција, Нинослав Чмолиќ изнесе нови детали за случајот за српски Информер.
Тој објасни како осомничените мислеле дека малата Данка е мртва откако ја удриле со автомобилот, па ја ставиле во багажникот, но девојчето во еден момент се разбудило.
За убиството на Данка се уапсени двајца 50-годишни работници на јавното комунално претпријатие „Водовод“ од Бор. Едниот е обвинет за сторено тешко кривично дело против безбедноста на јавниот сообраќај, а вториот е обвинет му помогнал на сторителот по извршувањето на кривичното дело. По апсењето, на двајцата им е одреден притвор до 48 часа.
Истрагата на криминалистичката полиција на Бор укажува дека ова се случило на 26 март околу 13 часот и 52 минути, односно само седум минути откако исчезна девојчето, како што кажа мајката во пријавата.
Со исчезнувањето на малата Данка Илиќ, за прв пат во Србија се активираше системот „Алберт Алерт“ или „Пронајди ме“, систем преку кој јавноста итно се известува за исчезнување. Ова ги отвори дилемите и за тоа зошто Македонија, се уште инфраструктурно не е подготвена за ваков систем – надлежните уверуваат дека ќе се реши во најкус можен рок.
Системот Амберт алерт, ја доведе потрагата по Данка да се прошири и во Европа, откако се појавија информации дека таа била видена во Виена, што потоа беше демантирано од австриската полиција. Десет дена траеше потрагата по двегодишната Данка Илиќ која исчезна на 26 март во населбата Бањско Поле кај Бор.
Извор: 24vesti.mk
