Продолжува идентификацијата жртвите во железничката несреќа во Грција, официјално потврдени 57 загинати

March 3, 2023
1 min read

Акцијата на спасувачите на местото на железничката несреќа кај месноста Темпи во Грција, продолжува и рано утрово, се очекува да заврши денеска, а паралелно во службата на судската медицина во Лариса, продолжува идентификацијата на жртвите.

Досега официјално се потврдени 57 загинати, а во болниците се хоспитализирани 48 патници, од кои шест се на одделите за интензивна нега.

Идентификација на жртвите се врши преку ДНК анализи, а според портпаролката на грчката полиција Константина Димолиду земени се 55 примероци од телата, 52 примероци од роднини на патниците и 26 примероци од пронајдените делови од човечки тела.

-Досега се извршени 24 идентификација на тела од Управата за криминалистички истраги, 20 со ДНК анализа, две со ДНК и анализа на отпечаток од прст и две само со метод на анализа на отпечатоци, рече портпаролката на грчката полиција на синоќешната прес конференција, пренесувајќи ги информациите заклучно со 19.15 часот.

Додаде дека иако процесот на ДНК анализи вообичаено трае неколку дена, се прават напори да заврши до денеска.

Од грчката опозициска партија СИРИЗА вчера упатија апел до надлежните да ја објават „вистинската слика за обемот на трагедијата“ и коментираа дека сѐ уште е непознат бројот на исчезнати.

И речиси 60 часа по несреќата, не постои точна информација колку патници имало во возот.

Од компанијата „Hellenic train“ во средата соопштија дека во патничкиот воз се пренесувале „околу 350 патници“, неколку часа подоцна, портпаролот на Противпожарната служба рече дека имало 342 патници, десет членови на екипажот, а во товарниот имало две лица, а портпаролот на грчката Влада Јанис Иконому на вчерашниот редовен брифинг со новинарите објасни дека од повеќе причини тешко е да се знае точниот број на патници.

Прво, како што рече, поради тоа што не се сите билети со име и презиме, бидејќи не биле сите купени онлајн, а оние кои се од шалтер се без лични податоци.

И второ, бидејќи некои луѓе можеби се качиле во возот во последен момент.

Поради железничката несреќа, веќе трет ден во Атина се организираат протести и собири.

Синоќа имаше нов протест пред зградата на „Hellenic train“, а за денеска напладне демонстрации закажаа учениците и студентите.

ИЗВОР: kurir.mk

MARKETING

MARKETING

Претходно

Јаневска: Четири години немаме никакво образование, власта со лошите реформи уништи многу генерации млади луѓе

Следно

Барменот Вања Головски ќе ја претставува земјава на Светското првенство на бармени во Рим

Latest from Blog

Се запали галијата во реката Вардар во Скопје

Пожар вечерва ја зафати галијата кај Холидеј Ин која се наоѓа на реката Вардар во центарот на Скопје, јавува МИА. Интервенирано било со противпожарно возило, и нема опасност за проширување. Причинета е

Студентите во блокада ги повикаа граѓаните нс Србија на масовен прекин на работата до исполнување на нивните барањата

Студентите во блокада во Србија ги повикаа граѓаните да започнат масовен прекин на работата од 1 јули до исполнување на три барања. Барањата се – распишување вонредни парламентарни избори, распуштање на „собирот“

ФФМ и Ла Лига ќе градат долгорочно партнерство

Можностите за идна соработка, особено во делот на едукација и развој на млади тренери, ги разгледаа денеска на средба во Скопје претставници на Фудбалската федерација на Македонија (ФФМ) и шпанската Ла Лига.

Николоски: Голем е интересот за финансирање за изградба на брзата пруга на коридорот 10

Постои сериозен интерес од неколку огромни светски финансиски институции, за финансирање на изградба на брзата пруга на коридорот 10, истакна вицепремиерот и министер за транспорт, Александар Николоски. -Очекувам дека ќе има конкуренција

Мицкоски до Кос: Лидерската средба ЕУ-Западен Балкан признание за новата енергија со која Владата ги води реформите

Премиерот Христијан Мицкоски на средбата попладнево во Владата со еврокомесарката за проширување и добрососедска политика, Марта Кос, ја истакнал определбата на Владата за интеграција во ЕУ, достоинствено и преку спроведување на суштински
Go toTop