Продолжува притисокот врз Албин Курти да дозволи формирање на Заедницата на Српски Општини.П омошникот државен секретар на САД за Европа и Евроазија Џејмс О’Брајан уште еднаш го потсети косовскиот премиер дека спроведувањето на обврските од дијалогот меѓу Белград и Приштина е клучен доколкуи земјата сака да напредува.
„За да продолжиме напред, ни треба имплементација на обврските од дијалогот поддржан од ЕУ, вклучително и итен напредок за Заедницата на општините со мнозинско српско население.“ – изјави Џејмс О’Брајан – Помошник државен секретар на САД за Европа и Евроазија.
И францускиот претседател Емануел Макрон, му порачал на Курти дека договорите мора да се спроведат но и дека членството на приштина во советот на Европа, е поврзано со формирањето на заедницата на српските општини. Од Елисејската палата побараа целосно спроведување на договорите од Брисел и Охрид и порачаа дека дека се разочарани од неуспехот во гласањето за отповикување на градоначалниците на северот на Косово.
Во меѓувреме во Брисел, нова средба на преговарачкиот тим на Белград и Приштина под поктовителство на специјалниот пратеник на Унијата за дијалогот меѓу двете страни, Мирослав Лајчак.
Повторно главна тема е одлуката на Централна банка на Косово да ја забрани употребата динари во земјата, како и формирањето на Заедницата на Српски Општини. Ова ќе биде шеста средба од дијалогот. Претходниот состанок на ниво на главни преговарачи се одржа на 18 април.
Извор: 24vesti.mk
