РОКВИЛ (АА) – Осумнаесетгодишен ученик на средно училиште во американската сојузна држава Мериленд приведен е под обвинение за закана за масовно насилство откако полицијата откри докази дека планирал да изврши масовен вооружен напад во своето поранешно основно училиште, пренесува Анадолу.
18-годишниот ученик напишал мемоари од 129 страници во кои го опишал нападот на училиштето.Истрагата започна откако едно лице ја контактирало полицијата во областа Балтимор. Полицијата подоцна добила и налог за претрес и открила „интернет пребарувања, цртежи и документи поврзани со закани за масовно насилство“, информираа официјални лица.
Според судските документи, некои неодамнешни интернет пребарувања вклучувале прашања за дострел на оружје, затворски казни и долга листа на претходни вооружени напади во училишта.
Извор: Anadolu Agency (AA)