Приведен крадец од Скопје за издржување затворска казна

Денеска (01.09.2023) во 12.25 часот на ул.„Гвадалахара“ во Скопје, полициски службеници од Оперативен тим потраги при СВР Скопје го лишиле од слобода Б.У.(40) од Скопје.

– Тој бил баран по централна потерница врз основа на наредба од Основен кривичен суд Скопје за издржување казна затвор од една година и шест месеци за сторено кривично дело „тешка кражба“ по член 236 од Кривичниот законик, информира МВР.

Лицето ќе биде спроведено во надлежната казнено-поправна установа за издржување на казната.