Разочарани од одлуката на Владата работниот статус да им се решава по изборите, приватните специјализанти и денеска – трет ден по ред штрајкуваа.
На Владата и порачаа дека одбивањето да го реши овој проблем сега, за нив е јасна порака дека за младите лекари нема место во оваа држава.
„Почитуван министер дали вам толку ви е замаглен погледот од партиските консталации во оваа држава што и малкуте граѓани, интелектуалци кои останавме не ги гледате и не им давате на значење, ве молиме престанете да калкулирате, гледајќи одозгора и сметајќи дека сите ние овде сме со некаква агенда, но не не има и нас кои доколку бевме доволно вреднувани ќе бевме со нашите колеги државни специјалзианти кои се внатре сега и одработуваат за нас задоволвни од нивните услови за работа“, вели специјализантот д-р Даниел Трајков.
Специјализантите ги повикаа и колегите специјалисти да ги поддржат во нивната борба за подобри услови. Денеска професорката Љубинка Крстиќ од Универзитетската клиника за ревматологија застана до нив и јавно ги повика надлежните да реагираат за да ги задржат овие млади лекари.
Велат – не отстапуваат од барањата и дополнително ќе одлучуваат како ќе го продолжат штрајкот.
Барањата на младите лекари се платата да им биде изедначена со просечната како и да добијат здравствено осигрувуање.
Извор: 24vesti.mk
