Приказна за хуманост: Турски војник ги собул чизмите и ги подарил на лице кое го преживеало земјотресот

February 22, 2023
1 min read

АНКАРА (АА) – Снимката на хуманитарното дело на турскиот војник, еден од десетиците илјади кои посветено работат на укажувањето помош на настраданите во разорните земјотреси кои ги потресоа јужните делови на Туркије, кружи на социјалните мрежи, известува Анадолу.

На снимката што во понеделникот ја објави турското Министерство за одбрана се гледа како турски војник во зоната на потресот наидува на маж кој го преживеал земјотресот и му ги подарува своите чизми.

Снимката во вторникот почна да кружи на социјалните мрежи, а приказната е споделувана и на кинеските платформи „Баиду“ и „ВиЧeт“, кои имаат стотици милиони корисници.

На платформите се вели дека станува збор за „една од најтрогателните сцени кои се појавиле по катастрофата“.

„На патот прекриен со снег, војник забележал лице погодено од земјотресите само во чорапи. Ги собул своите чизми и му ги подарил“, се вели во објавата со видеото.

Во понеделникот турското Министерство за национална одбрана објави снимка која има 1,3 милиони прегледи, а во описот на видеото се вели:

„Турските војници се заколнаа дека без двоумење ќе го жртвуваат својот живот за овој народ и оваа земја. Затоа, кога некој од нив ќе види граѓанин на улица кој нема чевли на нозете, не се колеба да му ги даде своите чизми.“

Земјотрес со интензитет од 6,4 степени по Рихтер во понеделникот го потресе местото Дефне во турската провинција Хатај, а три минути подоцна следуваше уште еден земјотрес со јачина од 5,8 степени, со епицентар во местото Самандаг, исто во областа Хатај. Во овие земјотреси загинаа 6 лица, а повредени се 562. Овие земјотреси уследија две недели по двата разорни земјотреси со епицентар во турската област Кахраманмараш, во кои животот го загубија 42.310 лица.

Турските власти соопштија дека во изминатите повеќе од две недели на југот од Туркије се регистрирани над 7.200 потреси.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

Извор: www.aa.com.tr

MARKETING

MARKETING

Претходно

Наполи прв пат победи на гостински терен во нокаут фазата во ЛШ

Следно

Комитетот на Државната дума препорачува да се суспендира учеството на Русија во договорот „Нов СТАРТ“

Latest from Blog

Дејан Манасков доби нов договор

Битолскиот клуб и македонски шампион Е.Пелистер објави дека искусниот Дејан Манасков го продолжи договорот со овој клуб, „Шампионскиот ген на Дејан Манасков и следната сезона ќе ги радува навивачите на Еурофарм Пелистер.

Тошковски од Мала Преспа: македонскиот дух тука живее силно и гордо

Министерот за внатрешни работи Панче Тошковски, заедно со министрите за надворешни работи Тимчо Муцунски и министерот за култура Зоран Љутков се во посета на македонците во Мала Преспа каде присуствуваат на фестивалот

Бериша: За 10 години Албанија ја напушти 45 отсто од популацијата поради нарко диктатурата

Лидерот на најголемата албанска опозициска Демократска партија и поранешен премиер, Сали Бериша во обраќањето на Парламентарното собрание на ОБСЕ, што се одржува во Порто, Португалија изјави дека за една деценија 45 отсто

СДСМ објави нови 11 кандидати за градоначалници, во Струмица наместо Костадинов ќе се трка Даскаловски

Претседателот на СДСМ, Венко Филипче вечерва на прес-конференција објави уште неколку имиња на кандидати за градоначалници на партијата за претстојните локални избори. Прашан зошто актуелниот струмички градоначалник Костадин Костадинов нема да бара
Go toTop