14.5 години затвор за таткото и 3 години за мајката на Коста Кецмановиќ. Вишиот суд во Белград ги осуди родителите на масовниот убиец од основното училиште Владислав Рибникар, Владимир и Миљана, на неколкугодишни казни затвор.
Таткото на Коста е осуден поради несоодветно чување на оружјето во својот стан а заедно со Миљана, прогласени се за виновни и за кривичното дело, злоставување и занемарување на малолетно дете.
Иако родителите на самиот почеток не беа обвинети за ова кривично дело, јавното обвинителство во октомври го прошири обвинението по сведочењето на нивниот син. Затворска казна од 15 месеци доби и инструкторот по стрелаштво, поради лажно сведочење.
„Обвинетиот Владимир Кечмановиќ, е осуден на 12 години затвор за кривично дело Тешко дело против општата безбедност од чл.288 ст.2 во врска со чл.278 ст.1 од Кривичниот законик и казна затвор во траење од 3 години за кривично дело Запуштање и злоупотреба на малолетно лице од член 193 став 1 од Кривичниот законик, на единствена затворска казна од 14 години и 6 месеци. Обвинетата Миљана Кечмановиќ е осудена на затвор во траење од 3 години, додека обвинетиот Немања Маринковиќ е осуден на 1 година и 3 месеци.“ – Виш суд во Белград.
Родителите на убиените деца очекуваа високи казни но велат дека и без разлика на одлуката на судот, нивните животи засекогаш се променија на кобниот 3- ти мај…
„Очекуваме осудителна пресуда. Ние веќе и без тоа сме осудени на доживотна тага.“ = Анѓелко Аќимовиќ. – татко на убиено дете.
Во меѓувреме, заврши и граѓанска постапка против родителите на момчето кое го изврши масовното убиство. Адвокатот на семејствата бара изрекување казна која треба да донесе ред во општетството, предупредувајќи дека ова не е уште една обична постапка, туку пресвртница во општествената свест и одговорност.
„Масовното убиство во училиштето засекогаш ги промени животите не само на убиените родители, туку и на сите нивни семејства, соседи и општество. Судот треба да испрати порака дека ваквото однесување не е прифатливо.“ – Огњен Божовиќ, адвокат на семејствата.
На 3-ти мај минатата година, Коста Кецмановиќ, влезе во школото каде што учел и со пиштол на својот татко, уби девет соученици и вработен во обезбедувањето. Во нападот, повредени беа уште пет деца како и наставник по историја. Малолетниот убиец нема кривично да одговара, бидејќи за време на убиствата, се уште немал наполнето 14 години.
Извор: 24vesti.mk
