„Бомба ќе експлодира“, „луѓето се стаорци“, „премногу ме малтретиравте сите, станав неосетлив“, се наведува меѓу другото во мејловите што утрово стигнале на дури 807 основни и средни училишта ширум Србија, а во кои се заканува со поставена бомба во училиштето. Слични мејлови стигнале и во градинки. Иако полицијата веднаш утврдила дека дојавите се лажни, вознемирувачката закана предизвикала евакуации и прекин на наставата. Сите мејлови биле напишани на српски јазик, но на некои места се забележува слаб АИ превод.
„Во училиштето е поставена бомба“, кратко пишувало во мејлот кој, од адреса што не можела да се види, 2–3 минути пред 6 часот утрово стигнал на мејлот на Средното земјоделско училиште во Ваљево.
Сè се случило пред почетокот на наставата, а специјализирани екипи на МВР веднаш биле повикани на лице место, го прегледале училиштето и се увериле дека станува збор за лажна дојава за бомба, па наставата во ова училиште можела да почне со извесно задоцнување. Слична ситуација имало и во Техничкото училиште во Ваљево.
Можеби ќе ве интересира: Ужас во Минхен: Пукал во мајка му и татко му, па фрлил бомба на куќата- познат е мотивот
Со оглед на тоа дека во Србија има околу 1.700 основни и средни училишта, тоа значи дека речиси половина училишта добиле вакви дојави!
МВР го известило надлежното обвинителство и покрената е меѓународна соработка за идентификација на испраќачите на заканите. Поради тоа постои сомнеж дека дојавите за бомби стигнувале од странство, пишува Блиц.
Извор: vecer.mk
