Првите прелиминарни резултати на предвремените парламентарни избори во Црна Гора, кои беа објавени од Центарот за мониторинг и истражување, покажуваат дека битката за „тронот“ се води помеѓу Движењето Европа сега, која ја предводи Милојко Спајиќ, и листата Заедно, предводена од Демократската партија на социјалистите на чие чело сега е Даниел Живковиќ
Според овие податоци, на пребројани 65,2% од гласовите, на прво место е листата на Европа сега со 25,5% од гласовите, односно 23 мандати. Веднаш зад нив е партијата ДПС со 23,4% од гласовите или 21 мандат.
Најголемата борба се води помеѓу овие две партии, а конечниот резултат би требало да биде познат во наредниот половина час. Овие избори се први за движењето Европа сега, додека, пак, ДПС на минатите избори освои 35 отсто од гласовите. Тогаш, носител на листата на ДПС беше поранешниот претседател Мило Ѓукановиќ
Според прелиминарните резултати, листата „За иднината на Црна Гора“, чиј предводник е Демократски фронт, има 15,5% од гласовите, т. е. 14 мандати, а веднаш зад нив е листата на поранешниот премиер Дритан Абазовиќ – „Алекса и Дритан – Храбро се брои“ со освоени 12,5%, односно 11 мандати.
Извор: 360stepeni.mk
