Пилотите на германскиот авиопревозник „Луфтханза“ и нејзините подружници „Карго“ и „Ситилајн“ започнаа масовен дводневен штрајк, кој предизвика сериозен колапс во воздушниот сообраќај. Протестот, кој започна кратко по полноќ, се очекува да трае до вторник навечер, оставајќи во неизвесност повеќе од 50.000 патници.
Според проценките, штрајкот ќе приземји најмалку 80 проценти од планираните летови, пред сè од главните центри во Франкфурт и Минхен. Компанијата упати апел до сите патници да го проверат статусот на своите летови пред да тргнат кон аеродромите, нагласувајќи дека оние со откажани резервации ќе бидат дополнително информирани.
Причина за работниот спор е незадоволството на синдикатот од пензискиот план и работните услови. Од друга страна, раководството на „Луфтханза“ го оцени штрајкот како „апсурдна ескалација“, тврдејќи дека барањата за зголемување на пензиските програми се финансиски неостварливи.
Извор: vecer.mk
