Прашањето за формирање на ЗСО може да се реши со конечен договор меѓу Косово и Србија, вели Курти

January 12, 2023
1 min read

Изјавата на косовскиот премиер доаѓа еден ден откако високиот американски функционер Дерек Шоле побара од Косово да стави предлози на маса за формирање на Заедницата. Шоле, при вчерашната посета на Приштина, рече дека Косово мора да ги исполни сите обврски од дијалогот, вклучително и формирањето на Заедницата на општини со српско мнозинство

Косовскиот премиер Албин Курти денеска изјави дека прашањето за формирање на Заедница на општини со српско мнозинство (ЗСО) може да се реши во рамките на евентуалниот договор за нормализација на односите меѓу Косово и Србија.

Изјавата на Курти доаѓа еден ден откако високиот американски функционер Дерек Шоле побара од Косово да стави предлози на маса за формирање на Заедницата.

Шоле, висок советник на американскиот Стејт департмент, прецизираше дека Косово мора да ги исполни сите обврски од дијалогот, вклучително и формирањето на Заедницата на општини со српско мнозинство.

Сепак, косовскиот премиер Курти повтори дека Уставот на Косово не дозволува моноетнички здруженија.

Заедницата на општините со српско мнозинство беше договорена во Брисел како дел од дијалогот меѓу Косово-Србија, но Уставниот суд на Косово утврди дека некои точки од тој договор не се во согласност со косовските закони. Но, Уставниот суд не кажа дека ЗСО не може да се формира туку дека несогласувањата може да се усогласат со статут, потсетува регионалниот сервис на Радио Слободна Европа.

Курти вели дека во моментов се разговара за целосна нормализација на односите меѓу Косово и Србија и додава дека во рамките на тој договор страните можат да се занимаваат со прашањето на Заедницата.

Тој, исто така, рече дека српската заедница во Косово има многубројни привилегии врз основа на планот на Марти Ахтисари. Тоа е документот врз основа на кој Косово прогласи независност во 2008 година и го подготви Уставот на Косово.

„Првата реченица од тој план, од тоа решение вели дека Косово треба да биде мултиетничко општество“,

подвлече Курти и додаде дека тоа значи дека моноетничките здруженија или институции не се во согласност со Уставот на Косово.

„Нудиме подобри и поголеми гаранции и права за сите малцинства или немнозински заедници во Косово и јас сум многу посветен на тоа. Но, без потценување на уставноста на нашата земја“,

додаде Курти.

Соединетите Американски Држави и Европската Унија постојано бараат од Косово да го почитува договорот за формирање Заедница на општини со српско мнозинство. САД дури предупредија дека доколку не ја формира Владата на Косово, ќе бараат „алтернативни партнери“ за нејзино формирање.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Во центарот на градот: Тепачка меѓу шест лица пред објект во градба

Следно

Во Шведска пронајдено наоѓалиште на ретки земјени метали

Latest from Blog

„Булмак 2016“ со четиригодишен проект за развој на детскиот спорт во Пробиштип

Спортот има клучна улога во правилниот психофизички развој на секое дете. Преку иницијативата Кошарка за секое дете во Пробиштип веќе се создаваат нови можности за најмладите да спортуваат бесплатно и да градат

Тоневски: Четвртоодделенците од „Никола Карев“ поставуваа прашања за работата на Општина Пробиштип

Ученици од четврто одделение при ООУ „Никола Карев“ ја посетија Општина Пробиштип и одблизу се запознаа со работата на градоначалникот, општинската администрација и надлежностите на локалната самоуправа. Во разговорот со градоначалникот Тони

МЕПСО инвестира во иднината на енергетиката: Се подготвува зајакнување на мрежата во југоисточниот регион

АД МЕПСО продолжува со реализацијата на стратешките активности за модернизација на електроенергетската инфраструктура во Македонија. Денеска генералниот директор на компанијата, доц. д-р Бурим Љатифи, потпиша договор со Никола Битрак, извршен директор на

Проданоски: Обезбедивме 10 телевизори за собите во Домот „Киро Крстески – Платник“

За собите во Домот за стари лица „Киро Крстески – Платник“ во Прилеп се обезбедени 10 нови телевизори во соработка со Тутунскиот комбинат АД Прилеп, соопшти градоначалникот Дејан Проданоски по посетата на

Коњановски: Битола и Турција ќе ја продлабочуваат соработката во економијата, културата и туризмот

Градоначалникот на Битола, Тони Коњановски, денеска се сретна со новиот турски амбасадор во Македонија, Алпер Акташ. Во фокусот на разговорот беа можностите за продлабочување на соработката во економијата, културата и туризмот. Коњановски
Go toTop