ИСТАНБУЛ (АА) – Во Истанбул на 88-годишна возраст почина калиграфот Хасан Челеби, кој важеше за „шеф на калиграфите“, свој белег остави во многу џамии низ светот, известува Анадолу.
Смртта на Челеби, кој неодамна ги испиша калиграфиите на Големата џамија Чамлиџа во Истанбул и џамијата Шри Сендајан во Малезија, ја објави поранешниот министер за здравство на Туркије, Фахретин Коџа, на својот профил на социјалните мрежи.
„Почина нашиот мајстор Хасан Челеби. Секое негово дело беше сосема негов нов подарок на нашата цивилизација за нас. Уметноста на калиграфијата, која опстојува со генерации без да ги смени своите оригинални карактеристики, го зајакна својот континуитет со него. Тој беше добитник на наградата ‘Неџип Фазил’ и Големата награда за култура и уметност на претседателот. Господ да го помилува и да му даде рај. Тој има вечно место во нашите срца.“
Министерството за култура и туризам на својот профил на социјалната мрежа X го наведе следново:
„Длабоко сме погодени поради загубата на Хасан Челеби, кој остави свој белег со калиграфијата што ја изработи на џамиите низ светот и се сметаше за ‘шеф на калиграфите’. Челеби, кој оставил свој белег на многу дела, од џамијата Султанахмет до Големата џамија Чамлиџа и џамијата Шри Сендајан во Малезија, ја пренесе својата уметност од колено на колено преку учениците што ги обучуваше. На нашиот драг уметник кого го прогласивме за живо човечко богатство во 2010 година и кому му беше доделена Претседателската награда за култура и уметност во 2011 година, а неодамна му беше врачена и наградата ‘Неџип Фазил’, му посакуваме божја милост, а на неговото семејство и на уметничката заедница и изразуваме сочувство.“
Претседателот на Турската агенција за соработка и координација (ТИКА), Серкан Кајалар, за почитуваниот калиграф го објави следново:
„Почина главниот калиграф Хасан Челеби. Својот живот го посвети на убавото пишување на Куранот. Убавините на нашата цивилизација и духовност беа дел од неговата елеганција и личност. Бог да му даде место на рајот.“
Хасан Челеби е роден во 1937 година во селото Инчи во местото Олту, во турската областа Ерзурум. Големиот мајстор на калиграфијата почнал да се занимава со калиграфија на 24-годишна возраст и за да се усоврши земал часови од најпознатите мајстори од тој период.
Откако го проучувал и добил овластување за неколку типа калиграфија од калиграфите Хамид Ајтач и Кемал Батанај, мајсторството на Хасан Челеби со натписите во џамии, приватни колекции на калиграфија и изложби, ги надмина границите на Туркије.
Хасан Челеби, со речиси 100 сертифицирани студенти во различни делови на светот, стана калиграф што обучи најмногу студенти по Хамид Ајтач.
Извор: Anadolu Agency (AA)
