Тито Џексон, член на оригиналната постава на поп групата „Џексон 5“ и брат на покојниот Мајкл Џексон, почина на 70 години, објавија американските медиуми. Причината за смртта не е наведена.
Тито настапуваше со легендарната група заедно со браќата Џеки, Џермејн, Марлон и Мајкл, кој почина во 2009. Групата требаше да има концерт во Минхен пред да почине Тито.
Тој беше третиот од деветте деца Џексон, кое стана едно од најпознатите музички семејства на светот под водство на таткото Џо. За разлика од Мајкл и Џенет Џексон, Тито не оствари значајна соло кариера и беше најмалку експонираниот член на групата, кој истовремено свиреше гитара. Тој го објави првиот соло албум дури во 2016 и своевремено кажа дека повеќе сакал да се фокусира на одгледувањето на своите три деца.
Како член на „Џексон 5“, која имаше неколку број еден хита во 1970-тите, Тито Џексон беше примен во Рокенрол куќата на славните во 1997.
ИЗВОР: sdk.mk
