Клем Берк, долгогодишниот тапанар на бендот „Блонди“ кој одигра клучна улога во њу вејв движењето, почина на 70 години. Бендот објави дека Берк починал по приватна борба со рак.
„Берк не беше само тапанар, тој беше срцето на групата. Неговите талент и страст за музика беа неспоредливи“, соопшти групата.
Берк му се придружи на бендот предводен од Дебора Хари набргу по неговото формирање во 1975 и свиреше на сите 11 студиски албуми. Откако групата првично се распадна во 1982, Берк стана баран тапанар и, меѓу другите, соработуваше со „Јуритмикс“, Боб Дилан, Иги Поп, Боб Гелдоф и Џоан Џет. Кратко време свиреше и со „Рамонс“ под името Елвис Рамон.
Списанието „Ролинг стоун“ своевремено го прогласи Берк за еден од најдобрите тапанари на сите времиња.
ИЗВОР: sdk.mk
