На 53 години почината актерка Шенон Доерти, после повеќегодишна борба со ракот. Ѕвездата на серијата „Беверли Хилс 90210“ починала вчера, изјави за „Пипл“ нејзината портпаролка.
Доерти во февруари годинава објави дека ракот ѝ се вратил, дека метастазирал и за списанието „Ел“ вели дека очекува да се лекува до крајот на животот. Болеста во меѓувреме ѝ се прошири на ‘рбетот. Болеста првпат ѝ била дијагностицирана во 2015.
„Со тешко срце ја потврдувам смртта на актерката Шенен Доерти. Во саботата, на 13 јули, таа ја загуби битката со ракот по долги години борба со болеста“, рече публицистот на Доерти, Лесли Слоунe.
Доерти се прослави во 1990 година како Бренда Волш во мегапопуларната серија Беверли Хилс, 90210. Нејзиниот брат близнак Брендон го играше Џејсон Пристли, со кого остана блиска до крајот на животот.
Таа ја напушти серијата по четвртата сезона во 1994 година. Подоцна повторно го играше ликот на Бренда со неколку гостувања во рибутот „90210“ во 2008 година.
По славата во серијата, Дoерти доби улога во серијата „Волшебнички“, како најстарата од трите сестри вештерки. Покрај улогата во серијата, таа режираше и неколку епизоди, а серијата ја напушти на крајот на третата сезона во 2001 година.
Извор: 24vesti.mk
