На 95 години изминатиов викенд почина една од најзначајните архитекти во земјава, Вера Ќосевска. Меѓу нејзините познајчајни дела во плодната карира е објектот на Театарот на народности во Скопје, денешен Албански театар и на Гинекологија Чаир. Ќосевска е авторка на објектите Полициска станица Гази Баба, на Болниците во Струмица и во Куманово, на Противпожарен дом во Скопје, Фабриката „Мирка Гинова“ во Скопје.
Ќосевска (моминско презиме Ротман) е родена 1929 во Осијек, Хрватска. Со архитектура и градежништво се запознава уште во детството. Вујко ѝ бил инжинер-архитект, кој живеел во Загреб, но градел многу објекти во Осијек. Таа често одела со него на градилиште каде гледала како мајсторите работат. Основно образование завршила во Осијек, а гимназија учела во Загреб и Белград, каде завршила 1948, а истата година се запишала на Архитектонски факултет при Универзитетот во Белград, каде дипломирала 1953 одличен успех, во класата на професор арх. Станко Клиска, со проектот Болница за костнозглобна туберкулоза во Калишта на Охридското Езеро.
По дипломирањето, со сопругот архитект Владимир Ќосевски доаѓа во Македонија и во 1953 се вработила во проектантското биро „Проектант” во Скопје. Во 1954 со сопругот го оформиле првото проектантско биро при Општинското Собрание во Охрид. Работела и во Секторот за урбанизам и архитектура во Собранието на скопската околија. Во 1959 положила државен стручен испит со кои ги стекнала овластувањата за проектирање и за градба на објекти од сите области на високоградбата. Од 1959-1961 работи во проектантско претпријатие „Агропроект” во Скопје, од каде преминала во „Пелагонијапроект”, кое било оформено по спојувањето на „Проектант” и градежното претпријатие „Пелагонија”. Тука работела сѐ до пензионирањето.
Во својот професионален работен век работела проекти од скоро сите области на архитектонското проектирање. Изработила приближно 150 проекти од кои 103 се реализирани, а 48 проекти не се реализирале од разни причини.
ИЗВОР: sdk.mk
