После шест години повторно ќе се врши вештачки мрест на Охридското езеро. За истиот задолжени се Научната установа Хидробиолошки Завод Охрид и Институтот за сточарство во Скопје кој има инсталации во Струга.
Според планот овие институции ќе треба да обезбедат 1 ипол милион зрно икра од која подоцна Охридското Езеро ќе биде порибено со охридска пастрмка. Со ова вели министерот за земјоделие ќе се спречи изумирањето на пастрмката која е од национално значење како ендемски вид.
Дополнително ќе има поголеми контроли за да се спречи нејзино понатамошно изловување најавува Трипуновски.
Од Хидробиолошкиот Завод велат дека досегашните последици од немањето вештачки мрест се негативни но дека овогодинешниот мрест оди со одлично темпо и состојбите ќе бидат подобрени.
Според информациите од полицијата ,минатата 2024 година запленети се околу 700 мрежи во должина од околу 50 км. Согласно новата риболовна регулатива рибниот фонд е поделен на седум риболовни зони. За шест од нив во тек е потпишување на договори за стопанисување со избрани концесиониери додека за една тендерот е поништен поради некомплетна документација и истиот повторно ќе биде објавен.
Извор: 24vesti.mk
