Меѓу ланскиот јуни и овој јуни, Велика Британија бележи „вишок смрт“ (во однос на повеќегодишниот просек за одреден период) од 1.059 лица на еден милион жители. Овој британски вишок на смрт е поголем од вишокот на смрт кој го регистрирале 13 од 27 земји на ЕУ во истиот период во пандемиските 2020-21 година. Тоа се Австрија, Кипар, Данска, Естонија, Финска, Германија, Франција, Грција, Ирска, Луксембург, Малта, Холандија и Шведска.
„Ако утре направат анкета меѓу Британците, се надевам дека малку ќе бидат оние кои ќе мислат дека треба да им се вратиме на карантините. Но, ако Англичаните сега не мислат дека тоа е добра идеја, зошто Германците или Финците или Грците мислеа дека тоа е добра идеја во 2020 и 2021 година? Дали можеби биле изманипулирани? Да не не им беше дадена целата слика?, пишува Ник Рендел.
Овие и други бројки кои сега се во сенка на другите настани кои го окупираа глобалното внимание (Украина, Франција…) не даваат некои одговори но затоа отвораат прашања:
„Ако Британија сега има повеќе смртни случаи по глава на население отколку половина од ЕУ во 2020-2021 година, дали Европејците беа луди кога се заклучуваа тогаш, или Британците се луди што не се заклучуваат сега?
Или:
„Со оглед на тоа што, со чесен исклучок на Шведска, сите овие земји во голема мера го следеа истиот сет на политики, дали Бугарите, со околу 3.500 на милион прекумерни смртни случаи и Данска со потпросечен вишок смртни случаи, истоветно сметаат дека карантините беа корисна алатка?”
Или:
„Ако заклучувањето беше толку ефикасно, зошто смртните случаи во Бугарија беа толку високи? А ако пандемијата беше толку смртоносна, зошто беа толку ниски во Данска?“
„Забавата“ не завршува тука.
Во осум земји – Германија, Финска, Австрија, Латвија, Грција, Естонија, Холандија и Ирска – вишокот на смртни случаи во 2022-2023 година е поголем отколку во 2020-2021 година. На пример, во Германија, прекумерните смртни случаи во 2022-23 година се четири пати повисоки отколку во 2020/21 година. Во Финска во 2020-2021 година починале помалку луѓе од нормалното, додека сега имаат вишок смртни случаи што би ги сместиле во горната половина на „Лигата на смртта“ на ЕУ во 2020-21 година. Ирска и Грција имаат речиси двојно поголем број на смртни случаи во 2022-2023 година отколку во 2020-2021 година.
„Како би ги убедиле вашите сонародници да потрошат неколку стотици милиони евра во пресрет на пандемија која се случува „еднаш во векот“, кога смртта наводно ја демнеше државата, а тоа ќе резултира со помалку вишок смртни случаи отколку што ги имаме сега?“, прашува Рендел.
ИЗВОР: off.net.mk
