По двојното убиство во Љубљана пронајден мртов маж, се претпоставува дека е сторителот

Според изјавите на мештаните кои ги познавале убиените, мотивот за денешното двојно убиство би можел да биле должнички спор. Полицијата сè уште не објави кој е мотивот

По двојното убиство што се случи денеска во угостителски објект во Љубљана, Словенија, полицијата пронашла тело на уште еден маж. Според првичните сознанија, како што пренесуваат словенечките медиуми, се претпоставува дека станува збор за сторителот.

Убиството се случило околу 15 часот. Осомничениот избегал, а телото било пронајдено подоцна.

Полицијата веднаш го обезбеди местото на настанот и побара локалното население да ги следи упатствата и да не ја попречува работата на надлежните органи.

Засега не се познати официјални детали, но во јавноста веќе излегоа сведочења од лица кои ги познавале двете жртви. Сведоци за новинската агенција СТА посочиле дека жртвите седеле во угостителскиот објект кога сторителот им пришол. Од терасата тие се повлекле на детското игралиште каде напаѓачот наводно извадил пиштол и ги застрелал. Според изјавите на мештаните кои ги познавале убиените, мотивот за денешното двојно убиство би можел да биле должнички спор.